قصيدة شعبية بمناسبة ذكرى وفاة الصديقة فاطمة الزهراء(ع)..علي البهادلي 
التصميم مشاركة واهداء من الزينبية للتصاميم خاص للارشيف نعزي العالم الاسلامي جميعا وبالخصوص شيعة امير المؤمنين بمناسبة ذكرى شهادة الحوراء الانسيه الصديقه فاطمة الزهراء سلام الله عليها ونقدم هذه الابيات المتواضعه من وحي الذكرى الاليمه سائلين المولى القبول في ذكرى شهادة الحوراء الانسيه آه من لوعة مصابچ يابتول شرد اوصفه اويا كلام اللي اگول شرد اوصفه اوتاه ويّا ه الوصف اشلون مانوصف نحير ونختلف ندري بمصابچ عظيم اشگد كلف كلف حيل وماتدركه اهل العقول آه من لوعة مصابچ يابتول شرد اوصفه اويا كلام اللي اگول كلف حيل امصابچ وماله مثیل والغصب حقچ تمادى ابلا دليل اشلون تورث بت نبيهم مستحيل وهمه صارو اعرف ابكل الاصول آه من لوعة مصابچ يابتول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بدعه تورث فدك اكبر معضله وقامو الدنيه على عقد الوله واحنه نعرف زين وين المشكله المشكله ابحيدر علي فحل الفحول آه من لوعة مصابچ يابتول المشكله الكرار چيف اصبح ولي اشلون اوصاهم رسول الله ابعلي ومو بديهم طگ عرگهم جاهلي بعد لا زهراء ظلتْ لا رسول آه من لوعة مصابچ يابتول ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لا رعو حرمه ولا قربه واهل ونسو عنهه المصطفى اشگال وفعل چان يستاذن اذا يمهه دخلْ يدگ باب الطاهره قبل الدخول آه من لوعة مصابچ يابتول؟ چان يستاذن رسول الله الامين ويحتضنهه ابكل ابوه وكل حنين ام ابيها ايگلهه ام الفرقدين وهسه فوگ الدار قنفذهم يجول؟ آه من لوعة مصابچ يابتول ******************** اجو صوب الدار والمطلب خطير رادو البيعه لابو مره تصير ومن رفضهم علي علنوهه نفير سرجو اخيول الحرب گامت تصول آه من لوعة مصابچ يابتول ؟ ومانفصل بعد معلوم الجره وبضعة الهادي ابهضم عاشتْ تره ومن عگب عين الرسول امكدره والولي امچتف خذوه اهل الفضول آه من لوعة مصابچ يابتول ؟ """"""""""""""""""""""""" وبعد من عصروچ ارباب الغدر حرمه ماظلت ولا راعو ستر طحتي صوب الگاع ضلعچ منكسر وابو اليمه اموّصه والموقف مهول آه من لوعة مصابچ يابتول ؟ شرد اوصّف والصف عاجز يظلْ عشر من معشار ظلمچ مایصلْ ولمصابچ دم تظل عيني تهلْ لوعة افراگچ هظم ماظن يزول اه من لوعة مصابچ يابتول ********************** لا گبر معلوم لاحضره ومقام وبيد مهدينه نبلغچ كل سلام گوم يالموعود زيح النه الظلام واخذ ثار البضعه واختم هالفصول آه من لوعة مصابچ يابتول شرد اوصفهه وياكلام اللي اگول """""""""""""""""""""""" تمت بعونه تعالى علي البهادلي 16/5/2008 |
