قصيدة بمناسبة استشهاد امير المؤمنين الامام علي عليه السلام


اليوم دنيتنه البست ثوب السواد- اليوم ارض الله الوسيعه اتزلزلت
اليوم دين الله انفكد منه العماد-اليوم اركان الهدايه اتهدمت
000000000000000000000000000000000000
اليوم يوم امصاب كل الكائنات  اليوم يوم الحزن يوم الفاجعه
اليوم انسهه اوجانهه اتفز من سبات  اليوم جبريل العرش ربه نعه
اليوم ميكائيل باعله العاليات  ايعزي الاسلام اويهل ابمدمعه
اليوم جن لابكت دنيه اولاحياة  اليوم املاك السماء امروعه
اليوم رسل الله اونبا والعاديات  انذهلت اولمصابك امست خاشعه
اليوم قران الاله اويه الصلاة   هبط للمحراب قبل مصرعه
اليوم ذو الفقار هذ بالعاصفات  وابصليله الجفه جاي ايفزعه
اليوم المساكين جوعانه تبات  افزعت ليه اوبالدموع اتودعه
اليوم باطلهه عله اوحس حكهه مات
                       الحره ذلت واليتامه اتيتمت
اليوم اضحت مظلمه السبعه الشداد
                    والارض ماجت باهلهه اوعتمت
اليوم دين الله انفكد منه العماد
اليوم اركان الهدايه اتـــــــــــــــتهدمت
000000000000000000000000000000000000
اليوم ميل حملهه واصبح ثجيل  عكب جف الجان يعدل حملها
اليوم مالت من عكب حامي الدخيل  تستغيث اومنهو يعدل ميلها
اليوم ترتج الارض بينه اوتميل  والانسن اليوم يصرخ مالها
اليوم طاح الدين باركانه جتيل  اليوم تخرج من ارضنه اثقالها
اليوم دم حيدر غسل دين الجليل  والعقيده اتوضت من ابطالها
اليوم يدري الحيد دم جسمه يسل  اوزين يعرفهه اوصدك من كالها
اليوم دنيتنه اضلمت ضاع الدليل  الجان يوزن حكهه ابميزانها
اليوم ذو الفقار مذهول اوذليل  عكب جف النحر كل ارجالها
اليوم يوم الحزن وانياحه اوعويل
                    اليوم حته السمه لمصابه انحنت
اليوم كل نار العلوم امست رماد
                       اوكل لسن اهل البلاغه اتخورست
اليوم دين الله انفكد منه العماد
                   اليوم ارض الله الوسيعه اتزلزلت


          تمت بفضل الله  وحمده
             ابو زينب الديواني