|
زوجة في وداع زوجها
تسافر خل نودعك بالسلامه تغيب وفرگتك حسرة وندامه يامن حبك نبع صافي وشربناه إخذ أرواحنه ابدربك علامه إخذنه اوياك يالفرگاك كابوس اشتساوي الروح من بعد النشامه إخذنه انضمد اجروحك نداويك ونرد كل شامت ايجرحك كلامه ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ إخذنه اوياك شمعه ابليل منفاك نضوي ابوحشة الليل وظلامه إخذنه اوياك يالجرحونه بهواك تره صعب مايلتحم جرح الكرامه إخذنه اوياك لو توليك الايام او لو دهرك غدر بيك ابسهامه ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ اشتظن هم يهنة عيش ابوجد فرگاك وهم يغمض جفن دامي ابنامه وهم يلفي الفرح يم عتبة الباب وهم ترتسم بالشفه ابتسامه إخذنه اوياك يالتطوي المسافات نزف لك شوگ بجناح الحمامه ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ترد ؟؟ لوهاي غيبه وماالهة احساب تظن نتلاکه ؟ لو يوم القيامه تراسل ؟؟ لو غدت صعبة العناوين اظن وصلك بعد يصعب مرامه لچن حطنه اعلى بالك دوم تذكار تره ابلياك صرنه احنه اليتامه ,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,, شجاوب لو غدو عنك ينشدون ؟؟ إهلال البيت هل غاب ابتمامه شگولن لو وگف شامت على الباب ؟؟ راح البيه تفخر كل عمامه راح البيه چان الظيم ينزال ولفانه الكدر يانبع الشهامه ,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,, أياريت العمر يازين لا طال او كون اتشوف بعيونك ختامه كون اتشوف بعيونك ختامه ,,,,,,,,,,,,,,,,
أبو مرتضى البهادلي 18/3/2004 كوبنهاگن دنمارك
|
