|
تالي المهاجر اوتچي ميز وجگارة ومنتچي گاعد صفح نايم صفح ماكل صفح شارب صفح مگلوب كل وضعه صفح گاضيهة بس نوح وبچي تالي المهاجر اوتچي ميز وجگارة ومنتچي عانة فلا عنده بگت ومرته عليه اتنمرت گالت له لاحض لابخت گوم اشتغل ياسختچي تالي المهاجر اوتچي ************ گال الهة مليت العمر اكوي وارد صبح وعصر يومية وي طگت الفجر اغفه على الاوتي انتچي تالي المهاجر اوتچي ************ گالت له يا املطم غبر اشدولبني وياك الدهر اشهالقسمه جابتني تفر المن اروحن واشتچي تالي المهجر اوتچي ************ المن اسولف لوعتي ابصدري اتكسر عبرتي مايوم نشفت دمعتي ويمي الافندي مرتچي تالي المهاجر اوتچي ************ گرب عليه راس الشهر الايجار يدفع لو يفر محتار سرحان الفكر لاذخر عنده ولاتچي تالي المهاجر اوتچي ************ گاضيهة دين ابكل وكت وبيته مايملك طشت جوتيه ماكول ويحت ومرته فلا اتبطل الحچي تالي المهاجر اوتجي ************ گالت له اريد البس ذهب حالي انا حال العرب ولازم تنفذ هالطلب لا تعتذر ياابن الزچي تالي المهاجر اوتجي ************ گال الهة يوميتي ابفلس والدين هالسني هلس امن الفجر طالع منعلس وهالنوب هجني الباچچي تالي المهاجر اوتچي ************ امن الفجر طالع يا مرة انصاف ما عندج ترة اركض واردن ليورة وفوگ الهضم ريعي بچي تالي المهاجر اوتچي ************ اركض وخباز العشه فكيني بس ياامبلبشه شو انت دوم امريشه وعظمي انا صاير رچي تالي المهاجر اوتچي ************* عظمي رچيچ ومبتلي ومگيود الچ گود الطلي شما ردتي يجرالچ بلي خضار اصيرن علوچي تالي المهاجر اوتچي ************* خضار لو ردتي اشتغل واركض مثل ركض البغل خيار وطماطة ويه البصل لو بعد اصيرن عمبچي تالي المهاجر اوتچي ************* گالت له بالعمبه بعد تشتغل خوان الوعد مو گتلي اغرگچ بالسعد وين السعد يا دمبچي تالي المهاجر اوتچي ************ وين السعد وين الهنه كل ساعة وياك ابسنه من دون حلي امسينه شفراني الك يا لغوچي تالي المهاجر اوتچي ************ من دون حلي امرمرة كل وحدة صارت لي مرة تامر وتنهي امسيطرة ودولابي ابد ماينحچي تالي المهاجر اوتچي ************ مفتوگة وخياطي كلف حسرة علي لو ردت احف دمي نشف عودي تلف محرومه من البستچي تالي المهاجر اوتچي ************ امن التوفي محرومه عمر ولادخل بيتي ولا ذچر گضيتها فگر ابفگر المسعدة ادگلي اتملچي تالي المهاجر اوتچي ************ لامتني دوم المسعدة بالخير هي امددة وانه علي حسرة الغدة ودگلي دوم اتعلچي تالي المهاجر اوتچي ************ امنين اعلچ وراسي خوه لمصييبتي مامش دوه لاتمر عندي ولانوه بيتي رهن للكهوچي تالي المهاجر اوتچي *********** وفوگ الهضم رجلي الذخر ممطول نايم للظهر گاضيهة بس فر وسهر صاير لي لاعب طوبچي تالي المهاجر اوتچي ************ ادگله السهر بطله ولك وياك دولبني الفلك الغايب وحاضر كله الك بس فكني وترك سچتي تالي المهاجر اوتچي ************* غايب وحاضر ماردت اشهالبشه وياك ابلشت متنازله فوگ وتحت معلوم گال الفالچي تالي المهاجر اوتچي ************ گالت له ما اريدك انا وياك صرت امسودنه هم زين ماعدنه ظنه چا عاد موتي وفچچي تالي المهاجر اوتچي ************ گالت له للقاضي لفر وشكيله جورك والدهر وياك ما اريد العمر عمري انگضه نوح وبچي تالي المهاجر اوتچي *********** گال الهة عيدي وفرحتي من يوم اخلص لحيتي شگيتي بطني وچبدتي ظلي ابهسيسچ صخرچي تالي المهاجر اوتچي ************ وهناك لن اتعاركو وجه ابوجه وتصاككو ومن بعد ساعة اتفاككو واحد بالاخر متچي تالي المهاجر اوتچي ميز وجگارة ومنتچي
ابو مرتضى البهادلي 7/1/2004 كوبنهاجن الدنمارك
|
